76 - მუჰამედ ალი

მუჰამედ ალი (ინგლ. Muhammad Ali; დაბადებით კასიუს კლეი, ინგლ. Cassius Clay; * 17 იანვარი, 1942) — ამერიკელი მოკრივე. 1960 წლის ოლიმპიური თამაშების ჩემპიონი ნახევრადმძიმე წონაში. მძიმე წონაში პროფესიონალთა შორის მრავალგზის ჩემპიონი (1964-1974). სახელი გამოიცვალა ისლამზე მოქცევის გამო.

77 - ჯიმი ჰენდრიქსი

ჯიმი ჰენდრიქსი, იგივე ჯეიმს მარშალ “ჯიმი” ჰენდრიქსი(დაიბადა 1942 წლის 27 ნოემბერს, გარდაიცვალა 1970 წლის 18 სექტემბერს) იყო ამერიკელი გიტარისტი, მომღერალი და მუსიკოსი. სხვა მუსიკოსები და გიტარისტები მას ხშირად იხსენიებენ მსოფლიოს მასშტაბით ყველაზე ძლიერ და ნიჭიერ ელექტრო გიტარისტად მთელი როკ მუსიკის ისტორიაში.

78 - პაბლო პიკასო

პაბლო რუის ი პიკასო (ესპ. Pablo Ruiz y Picasso; დ. 25 ოქტომბერი, 1881, მალაგა, ესპანეთი ― გ. 8 აპრილი, 1973, მუჟენი, საფრანგეთი), ესპანელი მხატვარი და სკულპტორი. მე-20 საუკუნის ხელოვნების ერთ-ერთი ყველაზე ცნობილი ფიგურა, ჟორჟ ბრაკთან ერთად კუბიზმის დამფუძნებელი.

79 - ჯონ ლენონი

ჯონ ონო ლენონი (დაბადებით ჯონ უინსტონ ლენონი; დ. 9 ოქტომბერი, 1940 — გ. 8 დეკემბერი, 1980) — XX საუკუნის ინგლისური როკ-ენდ-როლის კერპი, სიმღერების ავტორი და მომღერალი, მსოფლიო აღიარება ჰპოვა როგორც ბითლების დამფუძნებელმა. მისი და თანაბითლელი პოლ მაკარტნის, როგორც სიმღერათა ავტორების პარტნიორობა უზომო წარმატებით სარგებლობდა 1960-იანი წლების განმავლობაში, პერიოდი როდესაც მათ ბითლების ყველაზე პოპულარული სიმღერები შექმნეს.

80 - ედ გეინი

ედ გეინი (ინგლ /ˈɡiːn/; აგვისტო 27, 1906 – ივლისი 26, 1984) - ცნობილი ამერიკელი სერიული მკვლელი , რომელმაც შეძრა ამერიკა და მსოფლიო, მისი სასტიკი მკვლელობებით.

81 - ანა ფრანკი

ანა ფრანკი (გერმ. Anneliese Marie Frank; 12 ივნისი, 1929-მარტი, 1945) — ებრაელი გოგონა, რომელიც ჰიტლერის ოკუპაციის პერიოდში თავს ოჯახით ნაცისტური ტერორისგან ამსტერდამში სამალავში აფარებდა. ავტორი განთქმული "ანა ფრანკის დღიურის" - დოკუმენტი, რომელმაც ფაშიზმის სისაზარლეს ფარდა ახადა, და რომელიც მსოფლიოს მრავალ ენაზეა ნათარგმნი.

82 - ოპრა უინფრი

ოპრა უინფრი (1954 - )  ცნობილი აფრო-ამერიკელი წამყვანი და მსახიობი დაიბადა მისისიპიში. ოპრას ჰქონდა რთული ბავშვობა. იგი ცხოვრობდა სიღარიბეში და ხშირად უწევდა ტომრისგან შეკერილი კაბის ჩაცმა , რის გამოც მას დასცინოდნენ სკოლაში. იგი ასევე გააუპატიურეს ადრეულ ასაკში, რამაც იმოქმედა მის ფსიქოლოგიაზე.

83 - ლეხ ვალენსა

ლეხ ვალენსა (პოლ. Lech Wałęsa, [lɛx vaˈwɛ̃sa]); (დ.29 სექტემბერი 1943) — პოლონელი პოლიტიკური მოღვაწე, აქტივისტი და ადამიანთა უფლებების დამცველი, დამოუკიდებელ პროფკავშირთა გაერთიანების "სოლიდარობის" ყოფილი ხელმძღვანელი.

84 - ალბერტ შვეიცერი

ალბერტ შვეიცერი (14 იანვარი 1875 - 4სექტემბერი 1965)  იყო ელზასელი თეოლოგი , მუსიკოსი , ფილოსოფოსი და ექიმი. ის დაიბადა კაისერბერგში  ელზასისა და ლოტარინგიის პროვინციაში, იმდროინდელ გერმანიის რეგიონში რომელიც  საფრანგეთმა შეიერთა პირველი მსოფლიო ომის შემდეგ.

85 - ინდირა განდი

"ისტორია - საუკეთესო მასწავლებელია, ყველაზე ცუდი მოსწავლეებით."

 ინდირა განდი

ინდირა პრიადარშინი განდი (ჰინდი: इन्दिरा प्रियदर्शिनी गान्धी indirā priyadarśinī gandhī) (დ. 19 ნოემბერი, 1917 –გ. 31 ოქტომბერი, 1984) — ინდოეთის პრემიერ-მინისტრი 1966-1977 და 1980-1984 წლებში მის მკვლელობამდე. ინდოეთის პირველი პრემიერ-მინისტრის ჯავაჰარლალ ნერუს ქალიშვილი და შემდეგი პრემიერ-მინისტრი რაჯივ განდის დედა, ინდირა განდი ინდოეთის ერთ-ერთი ყველაზე ცნობილი და ურთიერთგამომრიცხავი პოლიტიკური ლიდერი იყო. მიუხედავად განთქმული გვარისა, მას მაჰათმა განდისთან ნათესაობა არ აკავშირებდა. 

86 - ჰენრი ფორდი

ჰენრი ფორდი (დ. 30 ივნისი, 1863 — გ. 7 აპრილი, 1947) — ამერიკელი მილიარდელი ბიზნესმენი. მუშაობა დაიწყო დეტროიტის საავტომობილო მაღაზიაში. 1893 წელს შექმნა საკუთარი მანქანის მოდელი. 1903 წელს დააფუძვნა "ფორდის ავტოკომპანია". 1909 წელს მისმა კომპანიამ იმდენად განავითარა საავტომობილო წარმოება, რომ დაიწყო მანქანების მასობრივი წარმოება და რევოლუცია მოახდინა სამანქანო ინდუსტრიაში. ფორდის მანქანა ამერიკაში ყველაზე ცნობილი საავტომობილო მარკა გახდა.

87-ტიმ ბერნერს-ლი

ტიმ ბერნერს-ლი (ინგლ. Tim Berners-Lee) (დ. 8 ივნისი, 1955, ლონდონი) ინგლისელი მეცნიერი, რომელმაც გამოიგონა ინტერნეტ-რესურსების ადრესაციის სისტემა. იგი არის შესული ცოცხალ 100 ყველაზე გენიოს ადამიანს შორის. ბერნერს-ლი დღესდღეობით არის World Wide Web Consortium-ის (W3C) დირექტორი, რომელიც ადევნებს თვალს World Wide Web-ის განვითარებას.

88- პელე

პელე (პორტ.: Pelé) ნამდვილი სახელი ედსონ არანტეშ დუ ნასიმენტუ (პორტ. Edison Arantes do Nascimento) (დ. 23 ოქტომბერი 1940; ტრეშ კორაკოში, ბრაზილია) - ბრაზილიელი სპორტსმენი და სახელმწიფო მოღვაწე. ე.წ. «ფეხბურთის მეფე», ფიფა-ს მიერ XX საუკუნის საუკეთესო ფეხბურთელად იქნა არჩეული.

89 - ელისაბედ II

მისი სამეფო უდიდებულესობა დედოფალი ელისაბედ II უინძორი (Queen Elisabeth II, Elizabeth Alexandra Mary Windsor; დ. 21 აპრილი, 1926, ლონდონი) — დიდი ბრიტანეთისა და ჩრდილოეთ ირლანდიის გაერთიანებული სამეფოს მმართველი დედოფალი და სახელმწიფოს მეთაური, ტახტზე ავიდა 1952 წლის 6 თებერვალს, გვირგვინი დაიდგა 1953 წლის 2 ივნისს. ასევე თანამეგობრობის 15 სახელმწიფოს მეთაური (ავსტრალია, ანტიგუა და ბარბუდა, ბაჰამები, ბარბადოსი, ბელიზი, გრენადა, კანადა, ახალი ზელანდია, პაპუა-ახალი გვინეა, სენტ-ვინსენტი და გრენადინები, სენტ-კიტსი და ნევისი, სენტ-ლუსია, სოლომონის კუნძულები, ტუვალუ, იამაიკა), ანგლიკანური ეკლესიის მეთაური, შეიარაღებული ძალების მთავარსარდალი და კუნძული მენის ლორდი.

90 - ფრანც შუბერტი

”როდესაც მე მსურდა მემღერა სიყვარულზე, აღმოჩნდა რომ ვმღეროდი მწუხარებაზე, როდეაც მსურდა მემღერა მწუხარებაზე, იგი ჩემში გარდაიქმნა სიყვარულად. ”

ფრანც შუბერტი

ფრანც პეტერ შუბერტი (31 იანვარი, 1797 - 19 ნოემბერი, 1828) იყო ავსტრიელი კომპოზიტორი.მან დაწერა 600-მდე სიმღერა , 9 სიმფონია (მათ შორის ცნობილი ”დაუსრულებელი სიმფონია” ), საეკლესიო მუსიკა, ოპერა და მრავალი სხვა ფორტეპიანოზე.

91- ჯოან როულინგი

ჯოან როულინგი (დ. 31 ივლისი, 1965), ინგლისელი მწერალი, ავტორი ჰარი პოტერის თემაზე შექმნილი წიგნების სერიისა. მისი გაყიდული წიგნების საერთო ტირაჟი 300 მილიონ ეგზემპლარს აღემატება. 2004 წელს ჟურნალმა „ფორბსმა“ მისი ქონება 576 მილიონ ბრიტანულ ფუნტ სტერლინგად (1 მილიარდ დოლარზე მეტი) შეაფასა და იგი პირველი ქალია, რომელმაც წიგნების წერით 1 მილიარდი დოლარი იშოვა

92 - ერნესტ ჰემინგუეი

ერნესტ მილერ ჰემინგუეი ( ივლისი 21, 1899 - ივლისი, 1961) იყო ამერიკელი ნოველისტი და ჟურნალისტი.  იგი ასევე იყო პირველი მსოფლიო ომის ვეტერანი. ჰემინგუეი ნაწილი იყო 1920-იანი წლების პარიზის უცხოელ მწერალთა პლეადის "დაკარგული თაობა" . მან 1953 წელს მიიღო პულიცერის პრემია , ნაწარმოებისთვის ”მოხუცი და ზღვა” . 194 წელს კი მას ლიტერატურის დარგში გადაეცა ნობელის პრემია.

93 - დესმონდ ტუტუ

”სიკეთე ბოროტებაზე ძლიერია; სიყვარული სიძულვილზე ძლიერია; სინათლე სიბნელეზე ძლიერია; სიცოცხლე სიკვდილზე ძლიერია. ჩვენ გავიმარჯვებთ მათი დახმარებით ვისაც ვუყვარვართ.”

დესმონდ ტუტუ

დესმონდ ტუტუ  სამხრეთ აფრიკაში, კლერკსდორპში დაიბადა 1931 წელს, მამამისი, ზაქარია ტუტუ, მეთოდისტური სკოლის პედაგოგი იყო, დედა - დიასახლისი როგორც აპარტეიდის წინააღმდეგ განწყობილმა ფიგურამ , მან მიიღო ნობელის პრემია 1984 წელს.

94 - XIV დალაი ლამა

მისი უწმინდესობა ჯეცუნ ჯამფელ ნგავანგ ლობსანგ იეშე ტენზინ გიაცო (დაბადების სახელი ლჰამო დონდრუბი) (ტიბ.བསྟན་འཛིན་རྒྱ་མཚོ་ ვაილი: bstan 'dzin rgya mtsho ტენძინ გჲაცო) დაიბადა 6 ივლისს 1935 წელს ტიბეტის ჩრდილო-აღმოსავლეთით ამდოში. ტიბეტური ბუდიზმის მიმდევართა სულიერი ლიდერი, რომლებსაც სწამთ, რომ იგი არის ბუდისტური წმინდანის ავალოკიტეშვარას, თანაგრძნობის ბოდჰისატტვისს, რეინკარნაცია, რათა ემსახუროს დედამიწაზე ყოველ ცოცხალ არსებას და შვება მოუტანოს მათ.

95 - კოფი ანანი

კოფი ატა ანანი (ინგლ. Kofi Atta Annan; დ. 8აპრილი 1938 წ ) დაიბადა ტრადიციული ხელმძღანელების ოჯახში, განაში. კოფი ანანი გახდა გაერთიანებული ერების ორგანიზაციის გენერალური მდივანი. 2001 წელს მშვიდობის დარგში მიიღო ნობელის პრემია.

96 - ევა პერონი

მარია ევა დუარტე პერონი (დ. 7 მაისი, 1919 — გ. 26 ივლისი, 1952) – ევა არის არგენტინის ერთ-ერთი ყველაზე ცნობილი ქალბატონი. იგი იყო პრეზიდენტ ხუან დომინგო პერონის (1895-1975) მეორე ცოლი. არგენტინის პირველი ლედი 1946 წლიდან გარდაცვალებამდე. მას ხშირად როგორც ევა პერონს მოიხსენიებდნენ ან მოფერებით ევიტა, რაც ითარგმნება როგორც „პატარა ევა“.

97 - მალკოლმ იქსი

მალკოლმ იქსი (ინგლ. Malcolm X, ნამდვილი გვარი — ლითლი, ინგლ. Little, 19 მაისი 1925 — 21 თებერვალი 1965) მალკოლმ იქსი იყო გავლენიანი და წინააღმდეგობრივი ფიგურა ამერიკული სამოქალაქო მოძრაობისა 1960 -იან წლებში. იგი ქადაგებდა რასობრივი თანასწორობის რადიკალურ ფილოსოფიას.

98 - მარი კიური

მარი სკლოდოვსკა-კიური (დ. 7 ნოემბერი 1867, ვარშავა — გ. 4 ივლისი, 1934, სანსელმო, დეპარტამენტი სავოია; დაკრძალულია სოში, პარიზის მახლობლად), ფიზიკოსი და ქიმიკოსი. ეროვნებით პოლონელი. იგი გაიზარდა ღარიბ მაგრამ კარგად განათლებულ ოჯახში. მარი კიური კარგად სწავლობდა და მან მიიღო მრავალი ჯილდო.

99 - ჯესი ოუენსი

ჯეიმს კლივლენდ «ჯესი» ოუენსი (ინგ. James Cleveland «Jesse» Owens, 12 სექტემბერი 1913 წ. — 31 მარტი 1980 წ. ) ჯესი ოუენსი იყო ამერიკელი მძლეოსანი. მისი კარიერის პიკი იყო 1936 წლის ოლიმპიადა როდესაც მან 4 ოქროს მედალი მოიპოვა.  ოუენსი გახდა კეთილი ნების ელჩი, ამერიკის სახელით მძლეოსნობაში.

100 - ბორის ელცინი

ბორის ელცინი (რუს.: Бори́с Никола́евич Е́льцин) (დ. 1 თებერვალი, 1931 ― გ. 23 აპრილი, 2007, მოსკოვი)იყო რუსეთის პირველი პრეზიდენტი 1991- 1999 წლებში . ელცინის ერა იყო რუსეთისთვის საკმაოდ დრამატული პერიოდი—მის სახელს უკავშირდება დიდი პოლიტიკური ცვლილებები და ლიბერალური დემოკრატიის დანერგვა—მიუხედავად ამ პოლიტიკური ცვლილებებისა , შედეგი უარყოფითი იყო, რუსეთში  შემცირდა საშუალო შემოსავლის რესურსები და ასევე მნიშვნელოვნად იკლო სიცოცხლის საშუალო ხანგრძლივობამ.

ბლოგის არსი

ბლოგში საუბარი იქნება იმ ადამიანებზე რომელთაც მსოფლიო მასშტაბით შეძლეს აზროვნების შეცვლა ან ახალი იდეის შემოტანა რაც პროგრესის საფუძველი გახდა მომავალში. მე წარმოვადგენ 100 გამოჩენილ ადამიანს და დაგანახებთ თუ რაოდენ მნიშვნელოვანი იყო მათი მოღვაწეობა კაცობრიობისთვის.